Búkarest 1987 Taflfélagið tók í fyrsta skipti þátt í Meistaradeild Evrópu, sem þá var reyndar bikarkeppni, 1987. Eftirfarandi frásögn er tekin frá Hróknum, fréttablaði T.R. Vefstjóri bætti inn millifyrirsögnum og innsláttarvillum.
Fyrsta Evrópulið T.R. valið Stjórn félagsins kaus nefnd til að velja lið keppninnar. Í nefndinni voru Jón G. Briem, Ólafur H. Ólafsson, Jóhannes Ágústsson og Lárus Jóhannesson. Velja skyldi 12 manna sveit en af þeim tefldu 6 í hverri umferð. Sveitin var þannig skipuð (eftir borðaröð):
Meðalstig sveitarinnar voru 2436. Þá var skipuð önnur nefnd til að sjá um framkvæmd keppninnar fyrir félagið. Í þeirri nefnd voru Jón G. Briem, Gylfi Gautur Pétursson og Jóhannes Ágústsson. Evrópusveitin gegn Rúmenum Í fyrstu umferð keppninnar dróst sveit TR gegn rúmensku meisturunum Politehnic Bucarestii. Teflt skyldi í Búkarest. Samkomulag varð að tefla 29. og 30. maí 1987. Í skáksveit félagsins í fyrstu umferð völdust:
Fararstjóri og fyrirliði var Jón G. Briem formaður Taflfélags Reykjavíkur. Ferðalagið til Búkarest Ferðalagið til Búkarest gekk vel. Þegar lent var á flugvellinum þar tóku á móti hópnum þeir D.Drimer og Drughean formaður skákfélagsins sem teflt skyldi við. Þeir og aðrir sem að undirbúningnum og móttöku stóðu voru hinir hjálplegustu í alla staði. Hópurinn bjó í hóteli sem Politehnica háskólinn á. Það var mjög óvistlegt og illa búið. Teflt var í einni af byggingum háskólans. Þangað var u.þ.b. 10 mínútna gangur frá hótelinu. Keppnissalurinn var lítill leikfimissalur sem hafði verið teppalagður. Aðstæður þar voru alveg viðundandi.
Viðurgerningur í mat og drykk var frekar einhæfur. Þó má segja að almennt hafi menn fengið nægju sína. Gestgjafarnir buðu okkur í skoðunarferðir um borgina og voru þær fróðlegar. Ljóst var þó að líf fólks í borginni var mjög fábreytilegt og lífskjör langt fyrir neðan það sem við þekkjum. Úrslit keppninnar Úrslit keppninnar urðu þau að jafntefli varð, 6 vinningar gegn 6. Rúmenska sveitin hlaut 22,5 stig en sveit T.R. 19,5 stig. Þar með komust Rúmenar áfram í keppninni.
Úrslit á einstökum borðum:
Skákstjóri og dómari var A. Vrabie og honum til aðstoðar M. Anghel.Þeir eru báðir alþjóðlegir skákdómarar og Vrabie þekktur sem slíkur. Hnn sinnti sínu hlutverki með soma. Eftirmáli Að keppninni afstaðinni er rétt að staldra við og athuga árangurinn. Að sjálfsögðu eru menn ekki ánægðir með að falla úr keppninni. Skáksveit félagsins er miklu sterkari en skáksveit andstæðinganna. En í þetta sinn gekk illa í skákunum og segja verður að úrslitin hafi verið sanngjörn. En þátttakan var ekki gagnslaus þrátt fyrir þetta. Í ljós kom að unnt er að fjármagna keppni sem þessa. Ýmis fyrirtæki sýndu mikinn velvilja þegar til þeirra var leitað um fjárstuðning. Ég tel því vel mögulegt að taka þátt í keppninni aftur síðar. Annar árangur náðist einnig. Bestu skákmenn félagsins tefldu nú loksins allir saman í sveitakeppni fyrir þess hönd. Þeir höfðu lengi haft mikinn áhuga á þessu. Líklegt má telja að samskipti félagsins við þennan hóp skákmanna hafi batnað verulega. Slíkt hlýtur að verða félaginu til gagns. Jón G. Briem: „Evrópubikarkeppni taflfélaga 1987-1988”, Hrókurinn 1988, bls. 14. |
